Time News Line | Marathi , Hindi , English and Gujrati News At One Place

राष्ट्रवादी कार्यालय व विरोधी पक्षनेता कार्यालयात येथे  तक्रार करण्याचे आवाहन

पिंपरी (टाईम न्यूजलाईन नेटवर्क):

पिंपरी चिंचवड शहरामध्ये सध्या कोरोना विषाणूचा संसर्ग वेगाने वाढत आहे. कोरोना संसर्गावर नियत्रंण आणण्यासाठी  मनपा प्रशासन प्रयत्न करीत आहे. शहरातील सरकारी तसेच खाजगी रुग्णालयांमध्ये कोरोनाबाधित रुग्णांवर वैद्यकीय उपचार चालू आहेत. त्याच प्रमाणे राज्य शासनाकडूनही आवश्यक ती मदत मिळत आहे तसेच जंम्बो हास्पिटल नेहरुनगर व अँटो क्लस्टर येथे उभारण्यात आले आहे. एकुण शहरातील सरकारी व खाजगी वैद्यकीय यंत्रणा यासाठी काम करीत आहे.

परंतु मनपाच्या काही रुग्णांलयांमध्ये कोरोना बाधित रुग्णांवर उपचार करताना आवश्यक असणारी औषधे तसेच इंजेक्शन हे बाहेरुन आणावे लागत असल्याबाबतच्या तक्रारी रुग्णांच्या नातेवाईकांकडून प्राप्त होत आहे. कोरोना सारख्या महामारीमध्ये शहरातील  सर्व सामान्य अगोदरच धास्तावलेला आहे. अशावेळी त्यांच्याकडून महागडी औषधे व इंजेक्शन बाहेर मागल्यास त्यांची आर्थिक पिळवणूक योग्य नाही.  

या पार्श्वभूमीवर मी पिंपरी चिंचवड शहरातील नागरीकांना  विनंती करतो की, मनपाच्या कोणत्याही रुग्णालयात कोरोनाबाधित रुग्णांस बाहेरून औषधे किंवा इंजेक्शन आणण्यास सांगितल्यास त्याबाबत माझ्या कार्यालयात, राष्ट्रवादी कॉग्रेस पक्षाच्या पार्टी कार्यालयात किंवा राष्ट्रवादी कॉग्रेस पक्षाच्या कुठल्याही नगरसदस्याकडे व शहरातील कोणत्याही राष्ट्रवादी पदाधिका-यांकडे लेखी स्वरुपात तक्रारी देण्यात याव्यात म्हणजे त्यांची योग्य दखल घेण्यात येऊन औषधांचा व इंजेक्शनचा काळाबाजार करणा-या कोणत्याही दर्जांच्या हॉस्पिटल, मेडीकल व डॉक्टर यांची गय केली जाणार नाही. याची या पत्रकाव्दारे पिंपरी चिंचवड शहरातील तमाम नागरीकांना आवाहन करीत आहे.

          मुंबई :ग्राहकांना घरपोच मद्यविक्री सेवा देण्यात येत आहे. काल दिवसभरात ४ हजार १५३  ग्राहकांना घरपोच मद्यविक्री सेवा देण्यात आली. यापैकी मुंबई शहर आणि  मुंबई उपनगरात ३ हजार ८५८ ग्राहकांना घरपोच मद्यविक्री सेवा  देण्यात  आल्याची माहिती राज्य उत्पादन शुल्क आयुक्त कांतीलाल उमाप यांनी दिली.

          मद्यविक्रीसाठी सशर्त मंजुरी दिल्यानंतर, राज्यात एकूण १०,७९१ किरकोळ मद्य विक्री अनुज्ञप्तीपैकी ९,५७९ अनुज्ञप्ती सुरू  आहेत. राज्य शासनाने ३ मे, २०२० पासुन लॉकडाऊन कालावधीत सीलबंद  मद्यविक्री सुरु करण्याबाबत मार्गदर्शक तत्वे जारी केलेली आहे. राज्यात १५ मे २०२०  पासून घरपोच मद्यविक्री योजना अंमलात आली असून ग्राहकांना घरपोच मद्यविक्री सेवा देण्यात येत आहे. राज्य उत्पादन शुल्क विभागाने तयार केलेल्या https://aaplesarkar.mahaonline.gov.in या संकेतस्थळावर ऑनलाईन मद्यसेवन परवाना प्राप्त करण्याची सुविधा उपलब्ध आहे. १ एप्रिल २०२०  ते ३१ जून २०२० या काळात १ लाख ५४ हजार २६९  ग्राहकांनी मद्यसेवन परवाने मिळवण्यासाठी अर्ज केले होते; यापैकी १ लाख ४९ हजार ४२९ ग्राहकांना परवाने मंजूर करण्यात आले आहे.
          ऑनलाईन मद्यसेवन परवाना घेतांना येत असलेल्या सर्व तांत्रिक अडचणींची सुधारणा करण्यात आली असून आता इच्छुक व्यक्ती संगणक, लॅपटॉप, अँड्रॉइड फोन, तसेच IOS प्रणालीव्दारे ऑनलाईन परवाने घेऊ शकतात. तसेच कोणाला ऑनलाईन परवाना घ्यायाचा नसेल तर राज्य उत्पादन शुल्क विभागाच्या सर्व अधीक्षक/निरीक्षक/दुय्यम निरीक्षकांच्याकार्यालयात दररोज मद्यसेवन परवाने Offline पध्दतीने सुध्दा उपलब्ध आहेत. सदर मद्यसेवन परवाने एक वर्षाकरीता रु. १००/- किंवा आजीवन परवान्याकरीता रु.१,०००/- एवढे शुल्क अदा करुन मिळू शकतात.

          दि. २४ मार्च, २०२० पासुन राज्यात लॉकडाऊन सुरु झाले. महाराष्ट्र राज्यात शेजारील राज्यांमधुन होणारी अवैध मद्य तस्करी रोखण्यासाठी सर्व विभागीय उप आयुक्त तसेच संबंधित अधीक्षकांनी नाकाबंदी केली असुन १२ सीमा तपासणी नाक्यांवर विभागातील अधिकारी / कर्मचारी तैनात आहेत. दि. १६ सप्टेंबर २०२०   रोजी राज्यात ८९ गुन्हे नोंदविण्यात आले असून ५० आरोपींना अटक करण्यात आली असून २५ लाख ३० हजार रूपये किंमतीचा एकूण मुद्देमाल जप्त करण्यात आला आहे.

          दि.२४ मार्च, २०२० पासुन दि. १५ सप्टेंबर २०२० पर्यंत राज्यात एकूण १८,०७४ गुन्हे नोंदविण्यात आले असून ९,७६४ आरोपींना अटक करण्यात आली. १,६८० वाहने जप्त करण्यात आली असून ४१ कोटी ७७ लाख रुपये किंमतीचा एकूण मुद्देमाल जप्त करण्यात आला आहे. अवैध मद्य निर्मिती वाहतूक, विक्री विरुद्ध तक्रार स्वीकारण्याकरिता राज्य उत्पादन शुल्क विभागाचा नियंत्रण कक्ष २४X७  सुरू आहे. त्यावर तक्रारदार आपली तक्रार नोंदवू शकतात. तक्रार करणाऱ्याचे नाव गोपनीय ठेवण्यात येते.

Marathwada Independence Day celebrated

Appeal to participate in My Family My Responsibility campaign

          Aurangabad,(timenewsline network): Stating that Marathwada was the land of Saints which was freed from the rule of Razakars as a reason of sacrifice by many freedom fighters chief minister Uddhav Thackeray appealed everyone to participate in My Family My Responsibility campaign for getting rid of Corona virus on the lines of participation of entire Marathwada in to Marathwada freedom struggle which has shown today’s Marathwada Independence day. Stating that Government was committed to development of Marathwada, chief minister Uddhav Thackeray expressed the need for participation of everyone in the process of development and spelled out his desire for forming Aurangabad Development Authority for the development of Aurangabad.

          Guardian Minister Subhash Desai hoisted the flag to mark Marathwada Mukti Sangram and Independence Day near martyr memorial at Siddhartha Garden. Chief minister Thackeray participated in this program via video conferencing from Mumbai.  He addressed the audience during this program from Mumbai.

          Minister for employment guarantee and horticulture Sandipan Bhumare, minister of state for revenue Abdul Sattar, Legislators Ambadas Danve, Haribhau Bagade, Sanjay Shirsat, Pradeep Jaiswal, Udaysingh Rajput, Atul Sawe, divisional commissioner Sunil Kendrekar, collector Sunil Chavan, administrator on the municipal corporator Astik Kumar, commissioner of police dr Nikhil Gupta, SP Mokshada Patil, senior freedom fighters and others were present for the flag hoisting ceremony.

          Chief minister Thackeray said that people from all the age groups have fought for the Marathwada freedom and today is the day which showed that entire Marathwada rises against any injustice against Marathwada. Stating that this land has a quality of fighting against any injustice and remove it, chief minister said that Swami Ramanand Teertha, Govindbhai Shroff and their colleagues have fought together this Marathwada freedom struggle which is why we could see this day. Chief Minister said that present generation was the descendants of Marathawada freedom fighters and taking a cue from them we need to protect and conserve heritage of Marathwada and develop it.

           Stating that we are free today, chief minister Thackeray said that we are fighting another battle which are fighting with mask on our mouth for having free breath. He said that while Marathwada was freed from Razakars with the participation of people from all walks of life and from all the generations, we need to fight Corona in the same way and defeat Corona by using Mask which is our weapon against it. He said that everyone needs to participate in My Family My Responsibility campaign so that we can defeat Corona. Chief Minister Thackeray said that Marathwada was the land of people with determination which is why Marathwada is heading towards development and this year despite the fact that Monsoon is good the Government has accepted the responsibility of making Marathwada drought-free through various schemes. Marathwada would be prosperous as a reason of Shiv Sena Pramukh Balasaheb Thackeray Samrudhhi Mahamarg joining Mumbai and Nagpur. He said that efforts would be made to form Aurangabad on the lines of Mumbai and Pune development authorities. Asking everyone to pledge for making Marathwada free from Corona and make efforts for its prosperity.

          Guardian Minister and other dignitaries offered floral tribute at the martyr memorial after which Police force played band and bugle in addition to offering the tribute with three rounds fired in the air.  Guardian Minister hoisted the flag and offered his best wishes to freedom fighters by personally meeting them. Praveena Kannadkar conducted the program. Guardian Minister threw open the cardiac ambulance made available to patients by Municipal Corporation officers and employees. 

पुणे(टाईम न्यूजलाईन नेटवर्क):-कोवीड १९ महामारीच्या पार्श्वभूमीवर ॲम्ब्युलन्स मालकांनी रुग्णांची वाहतूक करतांना आकारणी करावयाचे दर प्रादेशिक परिवहन प्राधिकरण, पुणे यांचेमार्फत निश्चित करण्यात आलेले आहेत. तसेच निश्चित केलेले दर ॲम्ब्युलन्स मध्ये दर्शनी भागात प्रदर्शित करण्याबाबतही यापूर्वी वृत्तनिवेदन देण्यात आले होते. तसेच रुग्णाची वाहतूक करतांना जास्त दर आकारणी केले बाबत या कार्यालयाने माहे जुलै २०२० मध्ये ॲम्ब्युलन्स

च्या मालकाविरुध्द गुन्हा दाखल केलेला होता व प्राधिकरणाने निर्धारित केलेल्या दरापेक्षा जास्त दर आकारणी करू नये म्हणून सर्व ॲम्ब्युलन्स धारकांना सुचना देण्यात आलेल्या होत्या. तसेच जादा दर आकारणी झाल्यास तात्काळ प्रादेशिक परिवहन कार्यालयास तक्रार नोंदविण्याबाबतही जनतेस आवाहन करण्यात आले होते.

मोटार वाहन क्रमांक एमएच-१२डीटी-३१५८ (Maruti Omni Ambulance) तसेच एमएच-१४सीडब्लू ०५१३ (Traveler Cardiac Ambulance) या ॲम्ब्युलन्स धारकांनी रुग्णाकडून जास्त भाडे घेतल्याची तक्रार जिल्हाधिकारी, पुणे यांचेकडे प्राप्त झाली. त्यानुसार जिल्हाधिकारी डॉ. राजेश देशमुख यांनी संबंधित वाहन मालकांविरुध्द तात्काळ कारवाई करण्याबाबतचे निर्देश दिले. या अनुषंगाने प्रादेशिक परिवहन कार्यालय पुणे येथील वायुवेग पथकाने नमूद दोन्ही ॲम्ब्युलन्स ताब्यात घेऊन प्रादेशिक परिवहन कार्यालय, पुणे येथे अटकावून ठेवलेल्या आहेत. जिल्हाधिकारी डॉ. देशमुख यांच्या मार्गदर्शनाखाली संबंधित वाहनांविरुध्द मोटार वाहन कायद्यातील तरतूदीनुसार कारवाई करण्यात आलेली आहे.

   रुग्णांच्या नातेवाईकांसाठी ॲम्ब्युलन्सच्या वापरानुसार व प्रकारानुसार किती भाडे देण्यात यावे याची माहिती देण्यात येत आहे. सद्यस्थितीत कोरोनाग्रस्त पेशंटची संख्या वाढत असल्याने ठरवून दिलेल्या

प्रमाणेच दर आकारणी करण्यात यावी याबद्दल सर्व ॲम्ब्युलन्स चालकांना आदेशित करण्यात येत आहे.

रुग्णवाहिकांनी प्रादेशिक परिवहन प्राधिकरणाने निश्चित केलेल्या दरापेक्षा जास्त दर आकारल्यास तात्काळ प्रादेशिक परिवहन कार्यालय, पुणे येथे तक्रार दाखल करावी. या तक्रारीनुसार तात्काळ कठोर कारवाई केली जाईल, असे प्रादेशिक परिवहन अधिकारी अजित शिंदे यांनी कळविले आहे.

पिंपरी, (टाईम न्यूजलाईन नेटवर्क): – सरकारने कोरोना महामारीच्या काळात सर्व धर्मदाय आणि खासगी रुग्णालयांना महात्मा ज्योतिबा फुले जनआरोग्य योजना राबविण्याची सक्ती न केल्याने आज परिस्थिती गंभीर बनली आहे. खासगी रुग्णालयांचा उपचार खर्च परवडत नसल्याने कोरोनाबाधित नागरिक सरकारी रुग्णालयांमध्ये उपचारासाठी जातात. तेथे रुग्णांची संख्या मोठी असल्याने अनेकांना आयसीयू बेडसाठी वाट बघावी लागते. परिणामी वेळेवर उपचार मिळत नाहीत आणि रुग्णांच्या मृत्यू संख्येत मोठ्या प्रमाणात वाढ होत आहे. ही परिस्थिती भयावह होण्यापूर्वीच खासगी रुग्णालयांमध्ये उपचार घेणाऱ्या कोरोनाबाधित रुग्णांचा खर्च सरकारने करावा, अशी मागणी आमदार लक्ष्मण जगताप यांनी मुख्यमंत्री उद्धव ठाकरे आणि आरोग्यमंत्री राजेश टोपे यांच्याकडे केली आहे. तसेच सर्व धर्मादाय आणि खासगी रुग्णालयांमध्ये महात्मा ज्योतिबा फुले जनआरोग्य योजना तातडीने लागू करण्यासाठी वारंवार पत्र पाठवूनही सरकार दरबारी दुर्लक्ष केल्याबद्दल आमदार जगताप यांनी मुख्यमंत्र्यांकडे नाराजी व्यक्त केली आहे.

यासंदर्भात आमदार लक्ष्मण जगताप यांनी मुख्यमंत्री उद्धव ठाकरे आणि आरोग्यमंत्री राजेश टोपे यांना पाठविलेल्या पत्रात म्हटले आहे, “पुणे व पिंपरी-चिंचवड या दोन्ही शहरात कोरोनाचा संसर्ग वाढला आहे. रुग्णसंख्या मोठ्या प्रमाणात वाढत आहे. दुर्दैव म्हणजे कोरोनाने मृत्यू होणाऱ्यांची संख्याही मोठी आहे. अशी परिस्थिती उद्‌भवू नये यासाठी तसेच कोरोनाचा प्रादुर्भाव थांबविण्यासाठी या महामारीचे संकट आहे तोपर्यंत सर्व धर्मादाय आणि खासगी रुग्णालयांमध्ये महात्मा ज्योतिबा फुले जनआरोग्य योजना तातडीने लागू करण्याबाबत मी स्वतः आपणाला वारंवार पत्र पाठवून सुचविले होते. खासगी रुग्णालयांमध्ये सामान्यांना कोरोनावर मोफत उपचार व आयसीयू बेड मिळावेत आणि सरकारी रुग्णालयांवर येणारा ताण कमी व्हावा, हा त्यामागचा उद्देश होता. परंतु, मी वारंवार पाठविलेल्या पत्रांकडे सरकार दरबारी दुर्लक्ष करण्यात आले, याची खंत वाटते.  

सामान्य नागरिकांना खासगी रुग्णालयांमधील उपचार खर्च परवडत नाही. त्यामुळे हा सामान्य माणूस कोरोनाबाधित झाल्यानंतर सरकारी रुग्णालयांत दाखल होत आहे. ही संख्या खूप मोठी आहे. परंतु, सरकारी रुग्णालयात आयसीयू बेड आणि व्हेंटिलेटरची कमतरता आहे. तेथे उपचारासाठी गेल्यानंतर आयसीयू बेडसाठी वाट बघावी लागते. बेड मिळत नसल्याने वेळेवर उपचार होत नाहीत आणि श्वास घेण्याचा त्रास व इतर आजार जास्त वाढत जातो. त्यातून आज आयसीयू बेड आणि व्हेंटिलेटरअभावी कोरोनाबाधितांचा मृत्यू होण्याची संख्या मोठ्या प्रमाणात वाढल्याचे दिसून येत आहे. ही परिस्थिती दिवसेंदिवस गंभीर होत चालली आहे. सरकारने खाजगी रूग्णालयांतील ८० टक्के बेड कोरोना रुग्णांसाठी राखीव ठेवण्याचे आदेश काढताना रुग्णाची खर्चिक बाजूही लक्षात घेणे तितकेच महत्वाचे होते. सामान्य रुग्णाला तेथील खर्च परवडणारा आहे का? याकडे सरकारचे दुर्लक्ष झाल्याचे दिसून येते.

एकीकडे सरकार जम्बो कोविड सेंटर सुरु करून त्यावर कोट्यवधी रुपये खर्च करत आहे. परंतु, शहरातील सर्व खाजगी रुग्णालयांमध्ये उपलब्ध असलेले डॉक्टर्स, आयसीयू बेड, व्हेंटिलेटर, सुविधा या सर्वांचे एकत्रीकरण केल्यास कोरोनाबाधित रुग्णांसाठी आयसीयू बेड मोठ्या प्रमाणात उपलब्ध होतील. सरकारला वेगळे जम्बो कोविड सेंटर उभे करण्याची गरज भासणार नाही. उपचारासाठी खासगी रुग्णालये उपलब्ध झाल्यास सरकारी रुग्णालयांवर येणार ताण कमी होण्यास मदत होईल. तसेच आयसीयू बेड मिळाल्याने कोरोनाबाधित रुग्णांच्या मृत्यू प्रमाणावर नियंत्रण आणणे शक्य होईल. जर सर्व खासगी रुग्णालयात महात्मा ज्योतिबा फुले जनआरोग्य योजना राबविण्यात येणार नसेल, तर या रुग्णालयांमध्ये उपचार घेणाऱ्या कोरोनाबाधित रुग्णांचा खर्च सरकारमार्फत करण्यात यावा. जेणेकरून कोरोनाबाधित रुग्णांवर खर्चाचा आर्थिक बोजा येणार नाही आणि वेळेत उपचार होऊन मृत्यूचे प्रमाण कमी होण्यास मदत होईल, अशी मागणी आमदार जगताप यांनी केली आहे.”

            मुंबई, (टाईम न्यूजलाईन नेेेटवर्क): भारत निवडणूक आयोगाने निवडणूक लढविणाऱ्या उमेदवारांच्या गुन्हेगारी पार्श्वभूमीची प्रसिद्धी तसेच राजकीय पक्षांनी अशा उमेदवारांचे नामनिर्देशन करण्याबाबत दिनांक 10 ऑक्टोबर 2018 व 06 मार्च 2020 रोजी तपशीलवार सूचना निर्गमित केल्या आहेत.या अनुषंगाने आयोगाने दिनांक 11 सप्टेंबर, 2020 रोजी पार पडलेल्या बैठकीमध्ये तपशीलवार चर्चा केली. संबंधित उमेदवार आणि त्यांना उमेदवारी देणारे राजकीय पक्ष यांनी गुन्हेगारी पार्श्वभूमी प्रसिद्धी यासंदर्भातील सूचना आणखी स्पष्ट करण्याचा आयोगाने निर्णय घेतला आहे. निवडणूकीय लोकशाहीच्या सर्वांगीण विकासासाठी/उन्नतीसाठी या नैतिक बाबीवर जोर दिला आहे.

सुधारीत सूचनांचे ठळक मुद्दे

अ.     प्रसिद्धीसाठी सुधारीत वेळापत्रक:-

            सुधारीत दिशानिर्देशानुसार उमेदवारांनी, तसेच त्यांना नामनिर्देशित केलेल्या राजकीय पक्षांनी संबंधित उमेदवारांची गुन्हेगारी पार्श्वभूमी असल्यास त्याबाबतचा तपशील वृत्तपत्र आणि दूरचित्रवाणीवर पुढीलप्रमाणे प्रसिद्ध करतील:-

(i)        प्रथम प्रसिद्धी:-   उमेदवारी अर्ज मागे घेण्याच्या अंतिम तारखेच्या पहिल्या 4 दिवसांमध्ये.

(ii)       दुसरी प्रसिद्धी:-   उमेदवारी अर्ज मागे घेण्याच्या अंतिम तारखेच्या 5 व्या ते 8 व्या दिवसांमध्ये.

(iii)      तिसरी प्रसिद्धी:- 9 व्या दिवसापासून प्रचाराच्या शेवटच्या दिवसापर्यंत (म्हणजेच मतदान होण्याच्या 2 दिवस अगोदर)

            हे वेळापत्रक मतदारांना त्यांच्या निवडीचा अधिकार चांगल्या माहितीच्या आधारे उपयोगात आणण्यास मदत करेल.

ब.         बिनविरोध विजयी उमेदवार तसेच त्यांना उमेदवारी देणाऱ्या राजकीय पक्षाच्या संदर्भात हे स्पष्ट करण्यात येते की, बिनविरोध विजयी उमेदवार तसेच त्यांना उमेदवारी देणाऱ्या राजकीय यांनी सुद्धा इतर उमेदवार व राजकीय पक्षांसाठी निश्चित केल्याप्रमाणे संबंधित उमेदवारांची गुन्हेगारी पार्श्वभूमी असल्यास त्याबाबतचा तपशील प्रसिद्ध करतील.

4.        आयोगाने ठरविल्यानुसार, आतापर्यंत प्रसिद्ध कारण्यात आलेल्या सूचना व प्रारुपे यांचे एक संकलन भागधारकांच्या हितासाठी प्रकाशित केले जात आहे. हे मतदार व इतर भागधारकांमध्ये अधिक जागरुकता निर्माण करण्यात मदत करेल.

5.        यासंदर्भातील सर्व सूचना, गुन्हेगारी पार्श्वभूमीचे उमेदवार आणि त्यांना नामनिर्देशित करणारे राजकीय पक्ष यांनी पाळल्या पाहिजेत.

6.         या सुधारित सूचना तात्काळ प्रभावाने लागू होतील.

     असे राज्य  निवडणूक आयोगाने प्रसिद्धीपत्रकान्वये कळविले आहे.

बांधकाम व्यावसायिक- प्रशासनाच्या चुकीची शिक्षा सोसायटीधारकांना का?

- आमदार महेश लांडगे यांचा महापालिका आयुक्त हर्डिकर यांना सवाल

- पिंपरी-चिंचवडमधील सोसायटीधारकांच्या कचऱ्याचा प्रश्न काढला निकाली

- सोसायटी फेडरेशन प्रतिनिधी, आयुक्त अन् संबंधित अधिकाऱ्यांची बैठक 

पिंपरी (टाईम न्यूजलाईन नेटवर्क):

गृहप्रकल्पांमध्ये निर्माण होणारा ओला कचरा जिरवणे आणि प्रक्रिया प्रकल्प उभारणे बंधनकारक असताना अनेक बांधकाम व्यावसायिकांनी नियमांचे उल्लंघन केले आहे. तसेच, महापालिका प्रशासनानेही संबंधितांना बांधकाम पूर्णत्वाचा दाखला डोळेझाकपणे दिला आहे. मात्र, प्रशासन- बांधकाम व्यावसायिकांच्या चुकीची शिक्षा सोसायटीधारकांना का? असा प्रश्न भाजपा शहराध्यक्ष तथा आमदार महेश लांडगे यांनी उपस्थित केला आहे.

चिखली-मोशी-चऱ्होली हाऊसिंग सोसायटी फेडरेशनच्या मागणीनुसार, आमदार महेश लांडगे यांच्या उपस्थितीत सोसायट्यांमधील कचरा समस्येबाबत मंगळवारी बैठक घेण्यात आली. यावेळी महापालिका आयुक्त श्रावण हर्डिकर, फेडरेशनचे सचिव संजीवन सांगळे व इतर सभासद उपस्थित होते. 

पिंपरी-चिंचवड शहरातील अनेक बांधकाम व्यावसायिकांनी महापालिका नियमानुसार, गृहप्रकल्पामध्ये सोसायटीधारकांना घनकचरा व्यवस्थापनांतर्गत ओला कचरा सोसायटीमध्ये जिरवण्याचे प्रकल्प उभारून दिलेले नाहीत. तसेच, आवश्यक यंत्र सामुग्री उपलब्ध करून दिलेली नाही, अशा बांधकाम व्यावसायिकांवर तात्काळ कारवाई करावी, अशी मागणी सोसायटी फेडरेशनने केली. 

यावेळी आमदार महेश लांडगे म्हणाले की, ओला कचरा प्रकल्प गृहप्रकल्पांमध्ये उपलब्ध करुन न दिलेल्या बांधकाम व्यावसायिकांवर कार्यवाही करून त्वरित हे प्रकल्प चालू करून देण्याचे आदेश द्यावेत. तसेच, प्रशासनातील अधिकाऱ्यांनी कचरा प्रकल्प नसताना, महाराष्ट प्रदूषण नियंत्रण मंडळाचे ‘ना हकरक प्रमाणपत्र’ नसताना ह्या बांधकाम व्यावसायिकांच्या गृहप्रकल्पास बांधकाम पूर्णत्वाचे दाखले दिलेले आहेत. त्यांची चौकशी करून कारवाई करावी, अशी मागणीही लांडगे यांनी केली आहे.

सोसायटीधारकांना वेठीस धरू  नका : आमदार लांडगे

महापालिका प्रशासनाने संबंधित बांधकाम व्यावसायिकांना कचरा प्रकल्प सोसायट्यांमध्ये चालू करून द्यावेत, मशिन्स खरेदी करून द्याव्यात असे आदेश द्यावेत. जोपर्यंत बांधकाम व्यावसायिक कचरा प्रकल्प संबंधित सोसायटींमध्ये उपलब्ध करुन देत नाहीत. तोपय्रंत सोसायटीमधील ओला कचरा उचलणे बंद करू नये, अशा सूचना आमदार महेश लांडगे यांनी प्रशासनाला दिल्या आहेत. तसेच, सोसायटीधारकांनी ओला आणि सुका कचरा वेगळा करुन द्यावा, असे आवाहनही केले आहे. 

पाच दिवसांत संबंधित बिल्डरांना नोटीसा : आयुक्त हर्डिकर

महापालिका आयुक्त श्रावण हर्डिकर म्हणाले की, आगामी पाच दिवसांत संबंधित बांधकाम व्यावसायिकांना नोटीसा बजावण्यात येतील. ज्यांनी ग्रहप्रकल्पांमध्ये कचऱ्यावर प्रक्रिया करणारे प्रकल्प करुन दिलेली नाहीत. त्यांच्यावर नियमांप्रमाणे कारवाई करण्यात येईल. तसेच, बांधकाम विभागातील ज्या अधिकाऱ्यांनी बिल्डरला पाठीशी घातले. नियमांचे उल्लंघन करुन बांधकाम पूर्णत्वाचे दाखले दिलेले आहेत त्यांची चौकशी करणार आहे. तसेच, दोषींवर पुढील ८ दिवसांत कारवाई करणार आहे, असे आश्वासनही आयुक्त हर्डिकर यांनी दिले. 

Mumbai (timenewsline network):

          The "My Family, My Responsibility" campaign will be a crucial weapon to convince the people of the importance of self-defense, said Chief Minister Uddhav Thackeray. He was speaking during an online interaction with people's representatives attached to the Brihanmumbai Municipal Corporation (BMC) and other civic establishments located in the Mumbai Metropolitan Region (MMR) between Mumbai and Pune, extending right upto Raigad district.

          Urban Development Minister Eknath Shinde, Thane Mayor Naresh Mhaske, Chief Secretary Sanjay Kumar, Principal Advisor to the Chief Minister Ajoy Mehta, Principal Secretary Health Dr. Pradeep Vyas, Principal Secretary Urban Development Mahesh Pathak, Director of National Health Mission Dr. N. Ramaswamy, Thane Municipal Commissioner Bipin Sharma along with Mumbai Municipal Corporation Municipal Corporation commissioner, Chief Officer and other civic officials also participated in the discussion.

          The Chief Minister further said that the campaign 'My Family, My Responsibility' will be implemented in the state from September 15, 2020. "Every citizen will be contacted and their medical status vis-a-vis COVID-19verified through this campaign. Awareness will also be raised about care to be taken while combating Corona. It is equally important to break the virus' chain even as we embark upon improving and normalising public life in the state. For this, we have to learn to live with Corona and make suitable changes in our lifestyle. It is important to create awareness among the people on these aspects. This campaign is crucial and an important component in this war against COVID-19 and for this to succeed people's representatives and the administration seeks to reach out to every citizen of the state. There should be no indifference in working to achieve this goal that will prove to be the turning point in each societal stakeholder's life as also to prepare people for similar epidemics in the future," the Chief Minister said.

          On this occasion, Urban Development Minister Mr. Shinde said, "My family, my responsibility is the last necessary blow against the virus in the war effort launched to exile  Corona (from Maharashtra). The campaign will reach out to every family and emphasize the importance of self-defense measures in the fight against corona. The government has set up the necessary health facilities to protect against corona. We are seeking to break the Corona chain through peoples' participation. This public outreach campaign is being implemented as a part of the strategy."

          Shinde further noted that the success of the campaign would provide a model for other states to emulate."Within a month, the spread of Corona can be brought under control in areas where the campaign will be successfully carried out across Maharashtra," said Ajoy Mehta, Principal Adviser to the Chief Minister. Chief Secretary Sanjay Kumar expressed confidence that the model developed through this scheme would be a guide in the fight against communicable diseases in the near future also. Pradip Vyas, Principal Secretary, Department of Health, gave a brief outline of the implementation of the scheme.

पिंपरी (टाईम न्यूजलाईन नेटवर्क)

‘लोकांची सेवा’ हाच भारतीय जनता पार्टीचा मूळ विचार आहे. स्वामी विवेकानंद यांच्या विचारानुसार  पंडित दिनदियाळ उपाध्याय यांनी ‘एकात्म मानववाद’ असे तत्वज्ञान मांडले. त्यानुसार आता भाजपाने कोरोनाच्या काळात २ कोटी१८ लाख लोकांना आपण ताजे अन्न पोहोचवले आहे. तसेच, ४० लाख कुटुंबांना आपण अन्नधान्याचे पॅकेट वाटप केले आहे. ‘मानवसेवा हिच ईश्वर सेवा’ या भावनेतून भाजपा करीत आहे. शेवटच्या रांगेतील माणसाचेही कल्याण झाले पाहिले, असा आमचा हेतू आहे, असे मत भाजपा प्रदेशाध्यक्ष चंद्रकांत पाटील यांनी व्यक्त केले.

देशाचे पंतप्रधान नरेंद्र मोदी यांचा ७० वा वाढदिवस साजरा होत आहे. यानिमित्ताने भारतीय जनता पार्टीच्या वतीने सेवा सप्ताह (दि.१४ ते २० सप्टेंबर) आयोजित केला आहे. त्याअंतर्गत पिंपरी-चिंचवड भाजपाच्याच्या पुढाकाराने दिव्यांग व्यक्तींना साहित्य वाटप आणि आत्मनिर्भर योजनांतर्गत प्रातिनिधीक स्वरुपात धनादेश वाटप कार्यक्रम शनिवारी घेण्यात आला. त्यावेळी पाटील बोलत होते.

यावेळी पिंपरी-चिंचवडच्या महापौर उषा उर्फ माई ढोरे, शहराध्यक्ष तथा आमदार महेश लांडगे, आमदार लक्ष्मण जगताप, भाजपा महिला प्रदेशाध्यक्षा उमा खापरे, उपमहापौर तुषार हिंगे, माजी खासदार अमर साबळे, पिंपरी-चिंचवड नवनगर प्राधिकरणाचे माजी अध्यक्ष सदाशिव खाडे, प्रदेश सचिव अमित गोरखे, संघटन सरचिटणीस अमोल थोरात, सत्तारुढ पक्षनेते नामदेव ढाके, स्थायी समिती सभापती संतोष लोंढे, सरचिटणीस राजू दुर्गे, युवा मोर्चा शहराध्यक्ष संकेत चोंधे, महिला आघाडी शहराध्यक्षा उज्ज्वला गावडे आदी उपस्थित होते.

दरम्यान, भाजपा मागासवर्गीय सेलच्या उपाध्यक्षपदी नगरसेविका उषा मुंडे यांची निवड झाल्यानिमित्त  त्यांचा सत्कार करण्यात आला. तसेच, दक्षिण भारतीय आघाडीच्या अध्यक्षपदी फेरनिवड झाल्याबाबत गौरव करण्यात आला.

महापौर उषा उर्फ माई ढोरे म्हणाल्या की, तळागाळातील नागरिकांसाठी काम करताना महापालिका प्रशासनाच्या माध्यमातून दिव्यांग व्यक्तींसाठी विशेष उपक्रम आम्ही घेत आहोत. व्यावसाय अर्थसहाय्य देण्याचा प्रयत्न केला जातात. पथारीवाल्यासाठीसुद्धा आम्ही कर्ज उपलब्ध करुन देण्याचा प्रयत्न केला आहे. भाजपा कार्यकर्ते, पदाधिकारी संवेदनशीलपणे सवर्सामान्य लोकांच्या मदतीसाठी पुढाकार घेत आहेत.

भाजपाच्या कार्यकर्त्यांचा अभिमान वाटतो : आमदार महेश लांडगे

आमदार महेश लांडगे म्हणाले की, गेल्या पाच महिन्यांत कोरोना विषाणुच्या महामारीत भाजपाचा प्रत्येक कार्यकर्ता नागरिकांच्या घरापर्यंत मदतीसाठी पोहोचला.  अन्नधान्य आणि आरोग्य सुविधा पोहोचवण्यासाठी प्रामाणिक धडपड केली, अशा सर्व कार्यकर्त्यांचा आम्हाला अभिमान आहे. देशाच्या सीमेवर जसे सैनिक प्राण पणाला लावून देशसेवा करीत आहेत. तसेच, भाजपा कार्यकर्ते समाजिक क्षेत्रात काम करीत आहेत. जात-धर्म-प्रांत असा भेदभाव न करता आम्ही काम करीत आहोत. पक्षाचे सर्व मोर्चे, प्रकोष्ट, मंडल, कार्यकारिणी सर्वांनी एकोप्याने काम करीत आहेत. नगरसेवक आपआपल्या प्रभागात काम करीत आहेत. शहरातील ३२ प्रभागांमध्ये ३२ समन्वयक नेमले आहेत. त्याअंतर्गत प्रभागनिहाय आढावा घेतला जात आहे. प्रत्येक प्रभागात ७० ठिकाणी कार्यक्रम करण्याचे सूक्ष्म नियोजन केले आहे. 

मुंबई (टाईम न्यूजलाईन नेटवर्क) करोनाच्या भयंकर  संकट काळात लोककलावंतावर उपासमारीची वेळ आलेली असतानाही राज्य सरकारने एका नवा पैशाची मदत केली  नसल्याने, याकडे सरकारचे लक्ष वेधण्यासाठी येत्या दि२१सप्टेंबर रोजी तमाशा पंढरी म्हणून ओळखल्या जाणाऱ्या नारायणगाव येथे  महाराष्ट्र राज्य तमाशा फडमालक कलावंत उकस मंडळाचे अध्यक्ष रघुवीर खेडकर यांच्या नेतृत्वाखाली एक दिवसाचे लाक्षणिक उपोषण करण्याचा।निर्णय लोककलावंतानी  घेतला आहे. 

    महाराष्ट्रातील तमाम लोककलावंतांचा यावर्षीचा हंगाम निघून गेल्याने आजच्या परिस्थितीमध्ये त्यांच्याकडे एक दमडी शिल्लक नाही.चालू वर्षी सर्वच सांस्कृतिक कार्यक्रम बंद झाल्याने कोणी कार्यक्रमाला बोलावीत नाही.अशी खंत ह्या।कलावंतांची आहे.म्हणूनच यापूर्वी राज्यातील विविध संघटनेनी निवेदनाव्दारे  राज्य सरकारला आर्थिक मदतीची।मागणी केली होती.परंतु अद्यापही सरकार जागे झाले नाही.

  म्हणूनच तमाशा पंढरी अशी ओळख असणाऱ्या  नारायणगाव (जिल्हा पुणे) येथील तमाशा सम्राज्ञी कै विठाबाई नारायणगाव यांच्या पुतळ्या समोर लोक कलावंतांनी लाक्षणिक उपोषण करण्याचा।निर्णय घेतला आहे. 

 जिथून तमाशा घडला,अन ज्या विठाबाईंनी आमच्या तमाशा कलावंताचे नाव जगभर पसरविले त्यांच्या गावातूनच आम्ही कलावंतांच्या मागण्यासाठी संघर्षचा शुभारंभ  केला आहे.असे रघुवीर खेडकर यांनी सांगितले.

   स्व.विठाबाई नारायणगावकर यांचे सुपुत्र कैलाश, कन्या मालतीइनामदार, नातू विशाल, त्याच प्रमाणे महाराष्ट्र राज्य तमाशा फड मालक कलावंत विकास मंडळाचे सचिव मुसाभाई इनामदार, उपाध्यक्ष राजू बागुल,दत्ता महाडिक यांचे सुपुत्र संजय महाडीक, शांताबाई संक्रापुरकर,संजय चव्हाण आदी लोककलावंत यांचा या आंदोलनात सहभाग आहे.

         यवतमाळ, (टाईम न्यूजलाईन नेटवर्क): -  वन विभागातील फ्रंटलाइन अधिकारी व कर्मचाऱ्यांना प्रत्यक्ष वन्यजीव व वन संरक्षण करताना हौतात्म्य आल्यास सानुग्रह अनुदान देण्याबाबतची योजना लवकरच मंत्रिमंडळासमोर आणणार असून  प्रत्येक जिल्ह्यात वन हुतात्मा स्मारक उभारणार असल्याचे वन मंत्री संजय राठोड यांनी सांगितले .यवतमाळ येथे आज राष्ट्रीय वन हुतात्मा दिनानिमित्त आयोजित कार्यक्रमात वन हुतात्म्यांना श्रद्धांजली अर्पण करण्यात आली. त्यावेळी ते बोलत होते.

       मंत्री श्री.राठोड म्हणाले,आपला समाज हा पूर्वीपासूनच निसर्गपूजक म्हणून ओळखला जातो. जंगले वाढली तरच मानवाचा या धरतीवर टिकाव लागेल. जंगलांचे महत्व संतांनीसुद्धा वर्णिले आहे.11 सप्टेंबर 1738  रोजी, स्थानिक राजाने दिलेल्या वृक्षतोडीच्या अयोग्य आदेशाविरूद्ध, राजस्थान येथील बिष्णोई समाजाच्या 363 व्यक्तींनी आपले बलिदान दिले होते. राज्यात सुद्धा अनेक वन अधिकारी व कर्मचारी यांनी वन्यजीव व वने यांच्या संरक्षणासाठी आपल्या प्राणांची आहुती दिली आहे. वन्यजीव व वन संरक्षणासाठी वन अधिकारी व कर्मचारी यांनी दिलेले बलिदान हे नक्कीच प्रेरणादायी व स्फूर्तिदायक आहे. त्यांच्या या अतुलनीय बलिदानाच्या स्मरणार्थ नागपुर येथे वन हुतात्मा स्मारक उभारण्यात आले आहे. त्या धर्तीवर प्रत्येक जिल्ह्यात वन हुतात्मा स्मारक उभारण्यात येणार आहे.          

        वन्यजीव व वनसंपदेचे संरक्षण व संवर्धन करणे ही वन विभागाची प्राथमिकता आहे. त्या अनुषंगाने राज्यात वन अधिकारी व कर्मचारी यांच्यामार्फत आपण वन्यजीव व वनसंपदेचे संरक्षण व संवर्धन करत आहोत. आजही वन्यजीव यांची शिकार आणि नैसर्गिक संसाधनांची तोड व चोरटी वाहतूक रोखण्यासाठी अनेक वनाधिकारी आणि वन कर्मचारी स्वत:चा जीव धोक्यात घालत आहेत. बऱ्याच वेळा असे संरक्षण करत असतांना अशा अधिकारी व कर्मचारी, विशेषतः फ्रंटलाईन अधिकारी व कर्मचारी जसे वन परिक्षेत्र अधिकारी, वनपाल, वन रक्षक, वाहनचालक यांच्यावर प्राणघातक हल्ले होत असतात. अशा हल्यात बऱ्याच वेळा त्यांना  आपल्या प्राणास मुकावे लागते. अशी दुर्दैवी घटना घडल्यास अशा अधिकारी व कर्मचारी यांच्या कुटुंबियांसाठी सानुग्रह अनुदान देण्याची योजना लवकरच मंत्रिमंडळासमोर आणणार असल्याचे वनमंत्र्यांनी सांगितले.