तीन मुलींची गळा चिरून हत्या केलेल्या जन्मदात्या बापाने केली आत्महत्या

वसई (टाईम न्यूजलाईन नेटवर्क)-  नालासोपारा पूर्वेतील डॉन लेन, बाबुलपाडा येथे पोटच्या तीन मुलींची गळा चिरून हत्या केलेल्या जन्मदात्या बापाने स्वतः देखील आत्महत्या केल्याची धक्कादायक घटना शनिवारी रात्री घडली आहे
 पिता कैलास विजू परमार (35 ) हा आपल्या कु. नयन परमार (12 ) , कु.नंदिनी परमार (7 ) आणि कु.नयना परमार (3 ) अशी नावे आहेत
सूत्रांनी दिलेल्या माहितीनुसार,परमार तीन मुलींसह बाबूलपाडात राहत होता. मात्र सहा महिन्यापूर्वी कैलासची पत्नी त्याच्यापासून वेगळी  राहत असल्याने घरामध्ये तो आपल्या तिघा मुलीसोबत राहत होता. दरम्यान शनिवारी रात्री उशिरा 10,30 च्या सुमारास कैलास परमार याने चक्क आपल्या तीन मुलींची चाकूने गळा चिरून हत्या केली आणि नंतर स्वत:वर देखील चाकूने वार करून आत्महत्या केली आहे. परिणामी या हत्येमागचे नेमके कारण अजूनही समजू शकले नसून तुळींज पोलीस अधिक तपास करत आहेत.