संत तुकाराम कारखाना निवडणूक बिनविरोध नाहीच

कपबशीच्या वाटेत सिलिंडर,पतंग,बॅट,नारळ. 
मुळशी (टाईमन्यूजलाईन नेटवर्क) :  श्री.संत तुकाराम कारखाना निवडणूक बिनविरोध करण्यात अपयश आले. संस्थापक अध्यक्ष नानासाहेब नवले यांच्या पॅनलच्या कपबशीच्या वाटेत सिलिंडर,प्रेशर कुकर,पतंग,अंगठी,बॅट,नारळ,सिलिंग फॅन,किटली,टेलिफोन,बॅटरी टॉर्च आहेत.

  कारखाना उभारण्यास नवले यांनी प्रचंड मेहनत घेतली. जुन्या सहकाऱ्यांना सोबत घेवून  गावोगाव पिंजून काढली. सभासद नोंदणी करून कारखाना उभा केला. सध्या नानांची प्रकृती अस्वस्थ यामुळे यावेळी निवडणूक बिनविरोध होईल असं वाटलं होतं. मात्र त्यांनाच मोर्चेबांधणीसाठी कंबर कसावी लागणार असल्याचे 4 फेब्रुवारी रोजी उशिरा स्पष्ट झाले. कारण पौड येथील निवडणूक कार्यालयात उमेदवारी माघे घेण्याची मुदत दुपारी 3 पर्यंत होती. मात्र तोपर्यंत माघार घेण्यासाठी मन वळविण्यात सर्वपक्षीयांना अपयश आले. दुपारी 4 पर्यंत माघारीची ही प्रक्रिया सुरु होती. मात्र 3 वाजण्याची मुदत लांबवण्याचा प्रयत्न नियमबाह्य असल्याचे म्हणत काही शेतकऱ्यांनी आक्षेप घेतला. तक्रार करण्याच्या उद्देशाने निवडणूक विभागातले फोटो काढून इच्छुकांच्या समर्थकांनी नाराजी व्यक्त केली. या वातावरणात निवडून बिनविरोध करण्याचे प्रयत्न सोडावे लागले. रात्री उशिरापर्यंत यादी जाहीर करण्यात आली नव्हती. अखेर आज ही यादी जाहीर झाली असून निवडणूक जाहीर झाली आहे. कारखाना कासारसाई- दारूंब्रे येथून स्तलांतरित करण्याच्या हालचाली सुरु आहेत. अशात निवडणूक लागल्याने रस्सीखेच होणारच मात्र यात शेतकरी आणि कारखाना हिताचे किती मुद्दे चर्चेत येतात हा चर्चेचा विषय आहे.