भाजपा प्रवेश देणे आहे: पिंपरी चौकात लागला पोस्टर

पिंपरी(ताई
भाजपा आणि शिवसेना पक्षात सध्या जोरदार इनकमिंग सुरु आहे. राष्ट्रवादी आमदार व पदाधिकारी भाजपा व शिवसेना पक्षात केलेल्या प्रवेशामुळे सर्वांनाच मोठा आश्चर्याचा धक्का बसला असताना आता पुणे पिंपरी-चिंचवड राजकीय भूकंप झाला आहे.  दरम्यान यावरुन पिंपरीत पोस्टर लावत टोलेबाजी करण्यात आली आहे.

अनोळखी व्यक्तीकडून हे पोस्टर लावण्यात आले असून नोकरीची जाहिरात असल्याप्रमाणे भाजपा प्रवेश देणे आहे असा उल्लेख या पोस्टरवर करण्यात आला आहे. इतकंच नाही तर यासोबत नियम व अटीही देण्यात आल्या आहेत. ईडी व इन्कम टॅक्स नोटीस आलेल्यांना प्राधान्य, भ्रष्टाचाराचा अनुभव असल्यास पहिली पसंती आणि सहकार क्षेत्र बुडवल्याचा अनुभव अशा प्रमुख अटी असल्याची खिल्ली पोस्टरमध्ये उडवण्यात आली आहे.
या पोस्टरमध्ये टीपही देण्यात आली आहे. विचारधारेची कुठलीही अट नाही असं सांगताना आमच्याकडी जागा फुल झाल्यास मित्रपक्षात प्रवेश करता येईल असा टोला लगावण्यात आला आहे. कारण भाजपासोबत शिवसेनेतही काही नेत्यांनी प्रवेश केले आहेत.या पोस्टरबाजीमुळे  पिंपरी-चिंचवड शहरात बघ्यांची गर्दी मोठ्या प्रमाणात झाली असून महापालिकेच्या वर्तुळात हा चर्चेचा विषय बनला आहे.